LAOAG CITY – Inbatad ni Ms. Cindy Utleg, Top 7 iti Medical Technologist Licensure Examination a ti panagbalin a determinado ti maysa kadagiti rason ti panagballigi na.
Segun kenni Utleg, babaen iti pammagbaga ken suporta ti pamilya ken papagayam na ket balligi a nakapasa iti eksaminasyon ken maysa pay kadagiti Topnotcher.
Dinakamat na a maysa kadagiti kangrunaan a karit kabayatan ti panagreview na ket ti pandemya a nangitunda tapno online laeng ti panag-review na.
Inlawlawag na a narigatan gapo ta awan ti kaklase na a panangibagaan na ti pressure a narikna na bayat ti panagsagana na iti eksaminasyon.
Kunana nga immabot iti makatawen a nagreview gapo ta saan a natuloy ti eksaminasyon na idi Agosto iti napalabas a tawen gapo iti problema iti dokumento na iti pagadalan isut gapo na a nag-exam ita laeng a Marso.
Mainaig iti daytoy, inbatad ni Utleg nga ubing pay laeng ket arapaap nan ti agbalin a medical technologist ken babaen iti daytoy makatulong iti sabali a tao.
Kabayatanna, kuna ni Ms. Utleg nga adda ti nailatang kenkuana a trabaho babaen iti panangisuro iti DepEd.
Innayon na a kalpasan to ti return of service obligation iti scholarship na iti DOST bayat nga agbasbasa, plano na ti agbasa iti medisina wenno agbalin a doktor.
