LAOAG CITY – Binalakadan ti Department of Foreign Affairs (DFA) dagiti Pilipino nga adda idiay Syria nga agbakwit dan gapu iti kumarkaro a riribok iti pagilian.
Basar iti datos ti ahensya ket adda ti nasurok a 700 a Pilipino iti Syria.
Kuna ti ahensya a kabayatan a saan pay a naan-anay a nagpaiget ti nasao a pagilian ket gutgutiguten dan dagiti Pilipino nga agturong iti Philippine embassy iti Damascus para kadagiti kasapulan da a tulong.
Daytoy ket tapno maliklikan a kumaro ti kinadamsak ken bilang dagiti possible a matay idiay Syria.
Manarimaanen ti koordinasyon ti Department of Foreign Affairs kadagiti maseknan nga ahensya ti gobierno para iti naan-anay a seguridad dagiti Pilipino iti nadakamat a pagilian.
Agtultuloy a monmonitoren ti ahensya ti dadduma pay a mapaspasamak iti Syria.
