LAOAG CITY – Immapela ni Department of Foreign Affairs Undersecretary Eduardo de Vega ken Department of Justice Assistant Secretary Miko Clavano a baybay-an da paylaeng dagitoy nga agtrabaho seknan iti panagawid iti pagilian ni Mary Jane Veloso tapno saan a mabulilyaso.
Nagkedked paylaeng da De Vega ken Clavano a nangidetalye dagiti proseso gapu ta mangrugrugi da paylaeng.
Mangnamnama da nga iti kabiitan a panawen ket makaawiden ni Veloso ditoy pagilian.
Iti agdama, iyur-uray da laengen ti opisyal a sungbat ti Indonesia iti kiddaw da a maiyakar ti pakabaludan ni Veloso.
Kuna ni de Vega a nakasagana ti Indonesia a mangipabus-oy ken ni Presidente Ferdinand Marcos Jr. nga agdesisyon no ipaayan na ti clemency ni Veloso.
