LAOAG CITY – Nagyaman ni Department of Foreign Affairs Undersecretary Eduardo De Vega kadagiti Filipino ken Indonesian officials a nagtrabaho para iti pannakapagiweden ni Mary Jane Veloso ditoy Pilipinas.
Ibilang ni de Vega a ti pannakapagawid ni Veloso iti Pilipinas ket dakkel a balligi para iti pagilian.
Maipalagip a ni Veloso ket nasentensyaan ti dusa a patay idiay Indonesia gapu iti drug trafficking kalpasan a naalaan ti 2.6 kilos nga heroin idi 2010.
Idi 2015, inbatad ni Indonesian President Joko Widodo a ti Indonesia ken nangipaay ken ni Veloso ti “temporary reprieve” manipod iti naka-schedule a pannakabitay na.
Idi bolan ti Enero ket nagsurat ti pamilya Veloso ken ni Widodo ken ni Presidente Ferdinand Marcos Jr. tapno umapela ti clemency.
Iti laeng napalabas a Nobyembre ket inpakaammo ni Marcos nga adda ti nagtulagan ti Pilipinas ken Indonesia para iti pannakaiyakar ni Veloso ditoy pagilian, kagiddan ti panagyaman ti presidente ken ni baro nga Indonesian President Prabowo Subianto.
Ibilang met ti Malacañang a ti panagsublin ni Veloso ditoy pagilian ket bunga ti nasurok a maysa a dekada nga agtultuloy a diskusyon, konsultasyon ken diplomasya.
Kabayatanna, nagyaman ni Mary Jane Veloso kada Presidente Ferdinand Marcos Jr. ken ni Indonesian Prabowo Subianto , kasta pay dagiti amin a timmulong kenkuana tapno makasubli ditoy Pilipinas kalpasan ti 14 a tawen a pannakabalud na idiay Indonesia.
Iti interview ken ni Veloso kabayatan ti kaadda nan iti Soekarno-Hatta International Airport para iti panagsubli na ditoy Pilipinas kadwa na ti sumagmamano nga opisyal ti gobierno ket inbatad na a mangnamnama a naan-anay a mawaya-wayaan gapu ta awan ti basol na ken tapno makadenna na metten ti pamilya na.
