LAOAG CITY – Saan a maibalakad kadagiti Pilipino a kanselaren da ti plano da a mapan agbakasyon idiay South Korea kalpasan ti apagbiit a panangideklarar ni President ti martial law.
Daytoy ti inrakurak ni Foreign Affairs Undersecretary Eduardo de Vega.
Nupay kasta, inbalakad ni Vega a masapol a mangipatungpal ti extra-precautions gapu iti political tension iti rehiyon.
Basar ken ni Vega, adda ti agarop 68,000 a Pilipino nga agnanaed iti agdama idiay South Korea a kaadoan kadagitoy ket documented workers.
Innayon na a binalakadan ti embahada ti Pilipinas idiay South Korea dagiti Pilipino iti nadakamat a pagilian nga agtalinaed a kalmado.
