LAOAG CITY – Nakasagana ti Department of Human Settlements and Urban Development (DHSUD) a mangipatulod kadagiti modular shelter units kadagiti naapektaran ti napigsa a gingined idiay Davao Oriental idi Oktubre 10.
Inbilinen ni Department of Human Settlements and Urban Development Secretary Jose Ramon Aliling ti panag-mobilize ti maysa a team manipud iti Central Office ken Regional Office 11 tapno kitaen ti eksakto a tulong a kasapulan dagiti naapekataran a lokal a gobierno (LGUs) idiay Davao Oriental iti koordinasion kadagiti dadduma pay nga ahensia ti gobierno ken dagiti non-government organizations.
Ti modular shelters ket agserbi a temporario a pagnaedan para kadagiti pamilia a napukawan ti pagtaengan gapu iti magnitude 7.4 ken 6.8 a gingined.
Ipatakder dagiti modular iti uneg kadagiti Bayanihan Villages nga idesignar dagiti Local Government Units.
Inbatad ni Aliling, manarimaan ti pannakibinnulig ti Department of Human Settlements and Urban Development kadagiti nagduduma nga ahensia ti gobierno ken non-government organizations tapno masigurado ti naurnos a maipaay ti tulong kadagiti biktima.
Nagrugi metten ti Department of Human Settlements and Urban Development iti panangipatakder iti Bayanihan Villages iti tallo nga ili ken maysa a siudad idiay Cebu a tinamaan ti magnitude 6.9 a gingined idi Setiembre 30.
Kabayatanna, dagiti MSUs ket nailatang para iti Bogo City ken dagiti ili ti Daan Bantayan, San Remegio ken Medellin.
