LAOAG CITY – Mangnamnama ti Department of Information and Communications Technology (DICT) a dakamaten ni Presidente Ferdinand Marcos Jr. ti digital connectivity iti mapaspasangasangan nga State of the Nation Address (SONA) na.
Segun ken ni Department of Information and Communications Technology Spokesperson Atty. Renato Paraiso, mangnamnama ti ahensiya a maysa kadagiti agbalin nga highlight ken suportaran ti presidente ket ti nagduduma a makaapektar ti digital connectivity.
Karaman ditoy ti pannakapapigsa iti digital info-structure, connectivity, libreng wifi, upskilling, ken cyber security.
Segun ken ni Paraiso, katulungan ti Department of Information and Communications Technology iti panangilungalong iti napinpintas a digital infrastructure iti pagilian.
Maiyuswat ti maikatlo nga State of the Nation Address ni Presidente Marcos Jr. intono Hulyo 22, 2024.
