LAOAG CITY – Pinalagipan ti Department of Information and Communications Technology (DICT) dagiti Pilipino nga agsubli ii “basics” ken liklikan ti manglukat iti panagduduwaan a websites.
Segun ken ni Department of Information and Communications Technology spokesperson Assistant Secretary Aboy Paraiso, naberipikar da nga adda ti nakibiang ken nadadael ti database ti World Health Organization (WHO).
Kuna na a nakita pay dagiti eskperto a ti impormasyon mainaig iti COVID-19 vaccinations iti Pilipinas ken India ket naiburay iti dark web.
Kabayataanna, inbatad ni Paraiso a ti insidente ket komplikado gapu ta saanen a sakop ti hurisdiksyon ti Department of Information and Communications Technology.
Kinumpirmaran na pay nga im-imbestigarenen ti World Health Organzation ti nasao nga insidente.
Kabayatanna, inpetteng ni Paraiso ti kinapateg ti panangiyuswat ti precautionary measures tapno maliklikan ti agbalin a biktima ti data breach-related online scams.
Innayon ni Paraiso a ti panagusar ti multi-factor authentication kas ti one-time passwords (OTP) ken biometrics ken mangpatalged iti seguridad ti nagduduma nga online accounts.
