LAOAG CITY – Agkidkiddaw ti Department of Information and Communications Technology (DICT) ti ₱2.7 bilyon a pondo para kadagiti e-Government (eGov) program-na iti 2027.
Segun iti Department of Information and Communications Technology (DICT), ti pondo ket para iti cloud hosting, cybersecurity, system integration, ken developer compensation. Pakairamanan ditoy ti P800 milyon para iti pannakapadur-as ken panagtalinaed ti eGov Super App.
Inbatad ti Department of Information and Communications Technology (DICT) a ti mabati a pondo ket para iti pannakapalawa ti cloud infrastructure, pannakapapigsa ti cybersecurity, panagtalinaed dagiti programmer, ken pannakikonektar kadagiti system dagiti ahensia ti gobierno iti maysa a digital platform.
Isagsagana met ti ahensia ti pannakikoordinarda kadagiti lokal nga IT startup ken tech community tapno masigurado ti napaot a panagtultuloy dagiti digtal services.
Innayon iti Department of Information and Communications Technology (DICT) nga umabot iti 61 a milyon downloads ken nasurok a 900 milyon a transaksion ti eGov app a mangidiaya ti 1,332 government e-services. Kabayatan a sumurok 92 milyon a Digital National ID metten ti naipaay, bayat a sumurok 1,300 government systems ti nairaman iti eGov framework.
