LAOAG CITY – Pinakdaaran ti Department of Information and Communication Technology (DICT) dagiti kandidato iti 2025 midterm elections a saan nga agusar kadagiti illegal text blast devices para iti kampaniada.
Daytoy a pakdaar ti Department of Information and Communication Technology ket kalpasan ti pannakaarestar ti maysa a Malaysian national nga aglaklako kadagiti alikamen a mausar iti text scams.
Kinuna ni Department of Information and Communication Technology Secretary Ivan John Uy nga adda kabaelanda a mangmonitor kadagiti text blast a mangi-endorso iti maysa a kandidato.
Inpetteng na a mabalinda a pilaan dagitoy iti maiyannatop a kaso ti maysa a kandidato n9 matakuatan nga agus-usar iti text scam ken dagus da met nga ireport daytoy iti Commission on Election.
Kabayatanna, binallaagan ni Uy ti publiko a dagus nga agreport iti opisinada no makaawatda kadagiti text blast a mangi-endorso iti maysa a kandidato.
