LAOAG CITY – Nangipaay ti Department of Information and Communications Technology ti Government Emergency Communications System-Mobile Operations Vehicle iti Ilocos Norte Police Provincial Office babaen ti inisyatibo ti 1st District Congressional Office.
Ti nasao a ramit ket pinartuat ti Department of Information and Communications Technology a kiniddaw ti opisina ti diputado ken daytoy ti kaunaan a baro a disenio iti intero a rehion uno.
Babaen iti daytoy, ad-adda pay a mapapintas dagiti sistema ti komunikasion iti work on-site.
Naammoan a kabaelanna a makaala ti komunikasion uray makadanon daytoy iti kabanbantayan.
Kabayatanna, ti Government Emergency Communications System-Mobile Operations Vehicle ket mausar no adda ti sumangbay a didigra tapno al-alisto ti panagresponde dagiti maseknan a Local Government Units babaen ti advanced communication.
