LAOAG CITY – Ballaigi a naiwayat ti pannakairubwat ti 300 free Wi-Fi access point iti 150 a public health facilities ditoy pagilyan.
Inpalgak ni Mr. Ivan John E. Uy, secretary ti Department of Information Communication Technology (DICT) a ditoy pagillian ket umaboten iti 70 a porsiento ti availability ti wifi ngem 50 a porsiento laeng ti maka-acaccess iti daytoy.
Inrakurakna a ti free wifi ket panggep na nga mapaannayas ti komunikasyon kadagiti rural and public society.
Iti agdama, nakaipatakder metten ti ahensya ti 150 free wifi tower kadagiti public health facilities, pakairamanan dagiti tallo nga health facilities ditoy probinsiya partikular iti ili ti Badoc, Bangui ken Dingras.
Malaksid iti daytoy agdagup met iti 200 nga individual ti mabalin a makikonektar iti daytoy.
Naragsak met a nagyaman ni Gov. Matthew Marcos Manotoc iti daytoy gapu ta dakkel a tulong daytoy iti pannaka-irugi iti free wifi ti Department of Information Communication Technology ditoy probinsiya.
Mainaig iti daytoy mangnamnama ti Gobernador nga addan tu pay mabukel a telemedicine a makatulong kadagiti residente nga agnanaed kadagiti nasusulinek a lugar.
Maipalagip a nangrugi ti proyekto idi tawen 2018 ken agngudo daytoy inton Disiembre 31,2025.
Kabayatanna indauluan da Department of Information Communication Technology Secretary Ivan John E. Uy; Undersecretary Jeffrey Ian Dy; Assistant Secretary Philip Varilla; Director Paul Tuason; Project Manager Vladimir Cuya; ken Department of Information Communication Technology Region-I Director June Vincent Manuel S. Guadan ti pannakairubwat daytoy.
Malaksid kadakuada ket nagatendar pay dagiti sumagmamano nga opisyal kas ken ni Municipal Administrator Jennice Gorospe nga isu ti nangibagi ken Badoc Mayor, Ms. Gemma Cascayan iti ili ti Bangui, Municipal Administrator Joemelle Ernesti S. Go-Sy iti ili ti Dingras, UNDP Resident Representative Selva Ramachandran, Vivien Suerte, Camille Soriano, Ronel Vincent Vistal.
