LAOAG CITY – Inbatad ti Bangko Sentral ng Pilipinas (BSP) a ngimmato ti digital payments iti 64.7 a porsiento iti pakabuklan ti retail payments iti pagilian iti tawen 2025.
Ti panagngato ket manipud 57.4 a porsiento idi 2024 no sadinno nga addaan ti 60 a porsiento agingga 70 a porsiento a target para ti digital payments iti Philippine Development Plan para ti 2023 agingga 2028.
Mainaig iti daytoy, naduktalan ti Bangko Sentral ng Pilipinas (BSP) a dagiti bayad a nagusar ti QR PH, ti national QR code standard ket nasurokanna ti debit ken credit transactions iti kaunaan a gundaway iti 2025 nga addaan ti 2.47 billion transactions iti babaen ti QR nga agbalor ti P1.16 trillion a naiproseso iti isu met laeng a tawen.
Mainaig iti daytoy, nasurokan met ti PESONet dagiti transactions iti babaen ti check payments.
