LAOAG CITY – Inlawlawag ni Dr. Evelyn Tanagon iti Bangko Sentral ng Pilipinas (BSP) iti ciudad ti Batac mainaig iti cash less wenno digital transaction.
Daytoy ket gapu ta ita a panawen ti community quarantine a gubuay ti covid-19 ket ado dagiti makitran-transaksyon iti online.
Segun ken ni Tanagon, ti cash less wenno digital transaction ket itantandudo ti BSP tapno maliklikan ti panagruruwar.
Malaksid iti daytoy, maliklikan ti face to face transaksyon ken al-alisto ti proseso no digital transaction.
Innayon na nga isu pay ti kaalistoan a panagiyakar iti sabali a bangko gapu ta uray sadinno ti ayan ket maaramid latta daytoy.
