LAOAG CITY – Manamnama a balbaliwan wenno i-upgrade ti Department of the Interior and Local Government ti Emergency 911 systems-da iti intero a pagilian.
Basar iti Department of the Interior and Local Government, kalikagumda ti al-alisto pay a panagresponde ken pannakikoordinar kadagiti komunidad isu a kasapulanda ti ag-upgrade.
Inbatad ni Department of the Interior and Local Government Secretary Jonvic Remulla a seryosoda iti panangipaay ti mausar dagiti Local Government Unit tunggal adda ti kalamidad.
Innayon ti sekretario a gagemda a nakasagana kanayon sakbay pay a mapasaran ti sumangbay a didigra.
Malaksid iti panag-upgrade ti 911 ket inallukoy ni Remulla dagiti Local Government Units a nasken nga i-update dagiti disaster preparedness plans, imonitor dagiti waterways pakairamanan ti panagsagsagana kadagiti rescue assets sakbay a sumangbay ti kalamidad.
