LAOAG CITY – Ginutigot ni Interior Secretary Jonvic Remulla ti Department of Education (DepEd) a masapol nga isuro kadagiti agad-adal ti panagusar ti Emergency 911.
Iti panagatendar ti sekretaryo iti National Simultaneous School Safety Drill, kuna na a napateg a maamoan dagiti estudyante ti tawagan da tunggal adda ti mapasamak a kinadamsak iti uneg ken ruwar ti pagadalan.
Sipud napasamak dagiti insidente ti kinadamsak kadagiti pagadalan ket nagiwaras dan kadagiti kameng ti Philippine National Police (PNP) iti ruwar dagiti pagadalan.
Uray dagiti barangay tanod ket tumultulong metten kadagiti pampubliko a pagadaln tapno kitaen dagiti bag dagiti estudyante ken masigurado nga awan ti intugot da nga aniaman nga armas wenno patadem.
