LAOAG CITY – Inbatad ti Department of the Interior and Local Government (DILG) a nasken a makumpleto dagiti Local government units (LGUs) ti evacuation kadagiti high-risk communities intono Domingo kas panagsagana iti impact ti potential a super typhoon Uwan nga addaan ti international name a Fung-wong.
Iti maysa nga statement, inbatad ti Department of the Interior and Local Government a masapol nga adda ti plano dagiti lokal a gobierno iti “worst-case scenarios.
Inpetteng na a ti nasapa a pannakaibakwit kadagiti residente ket makasalbar iti biag.
Malaksid iti daytoy, inbatad na a nasken nga isagana dagiti lokal a gobierno ti evacuation centers nga addaan ti makaanay a suplay ken power sources, kasta met a siguradoen ti proper management kadagiti bakwit.
Magutgutigot pay dagiti lokal a gobierno ti naiget a koordinasyon da kadagiti Regional Disaster Risk Reduction and Management Councils (RDRRMCs).
Inbilin pay ti ahensya ti pannakaipatungpal ti no-sailing policy ken ti pannakasuspenso ti tourism ken outdoor activities iti at-risk areas.
