LAOAG CITY – Mangnamnama ni Atty. Gerald Gallardo iti Department of Interior and Local Government ditoy probinsya nga ad-ado dagiti makapasa iti Seal of Good Local Governance kadagiti sumarsaruno a tawen.
Kunana a babaen ti isaysayangkatda a reverse pitching ket masolusyunan dagiti posible a rason no apay adda dagiti saan a makapasa iti Seal of Good Local Governance.
Ditoy a maimbitaran dagiti amin a partner government agencies ken dagiti department concerned manipod kadagiti Local government units.
Segun kenni Gallardo, dagiti kangrunaan a pagkurkurangan dagiti lokal a gobierno ket business competitivess, resiliency, education, kaadda dagiti plantilla position iti disaster office, land use plan, implementasyon ti solid management, water quality ken dadduma pay.
Nopay kasta, inbatadna a ngumatngato metten ti makapaspasa iti kada tawen no sadinno idi 2022 ket uppat, innem iti 2023 ken 11 iti 2024.
