LAOAG CITY – Inbatad ni DILG Officer Rodel Hilario iti San Nicolas, Ilocos Norte a karbengan dagiti opisyal ti barangay ti maikkan ti honararium.
Daytoy ket no maisumitir da amin a kasapulan a dokumento kas iti committee reports ken monthly reports da.
Nupay kasta, kuna ni Hilario a mabalin a makissayan ti honorarium sakbay a maited kadagiti maseknan no adda ti proyekto wenno aniaman nga aktibidad ti barangay a nasken a pondoan da ken agtutulag da a maala ti pondo iti honorarium da.
Daytoy ti nagbalin a palawag ni Hilario kalpasan nga adda ti isyu a saan a pannakaawat ti honorarium dagiti barangay tanud iti maysa a barangay ti nasao nga ili.
