LAOAG CITY – Kalikagom ni Department of the Interior and Local Government (DILG) Secretary Jonvic Remulla a makissayan ti paperwork para kadagiti local chief executives iti babaen ti digitalization intono Hunyo 2025.
Segun iti Department of the Interior and Local Government (DILG), naiget ti pannakitinnulong ni Secretary Remulla iti Commission on Audit ken iti Civil Service Commission tapno mapaalisto ti panagiproseso dagiti dokumento para iti local government units (LGUs).
Inbatad ni Remulla nga iti kanito a maiptungpal ti digitalization intono Hunyo 2025 a dagiti dokumento a naipagagangay a pirpirmaan dagiti maseknan iti 15 nga oras iti kada lawas ket agbalin to laengen a maysa nga oras iti kada lawas.
Maipalagip nga iti State of the Nation Address ni Presidente Ferdinand Marcos Jr. idi 2022 ket nadakamat na nga i-digitize ti gobierno dagiti serbisyo tapno pagbalinen nga ad-adda nga “accessible.”
