LAOAG CITY – Nagballaag ti Dept. of Interior and Local Government (DILG) kadagiti empleado ti gobierno a saan da nga ikamkampanya ti siasinno man nga agpaidasig iti eleksyon 2022.
Daytoy ti inpalagip ni Mr. Roger Daquioag, ti mangidadaulo ti DILG ditoy probinsya.
Segun kenni Daquioag, masapol a liklikan daytoy dagiti empleado ti gobierno gapo mailabsing daytoy iti Civil Service Rules and Regulations.
Inbatad na nga adda met ketdi ti suportaran na a kandidato ngem masapol a saan da nga ikampanya dagitoy iti publiko.
Inlawlawag na a no adda ti suportaran ti siasinno man a kandidato ket saan a mabalin a mangbukel ti grupo.
Mainaig iti daytoy, naamoan a mabalin nga agreport ti siasinno man no adda laketdi adda ti pammaneknek a mangipakita a ti ireklamo nga nga empleado ket naglabsing iti pagalagadan.
Innayon na a no mapaneknekan a naglabsing ti maysa nga empleado ti gobierno ti mabalin a maikkat iti sebisyo.
