LAOAG CITY – Nagballaag ti Department of the Interior and Local Government (DILG) kadagiti kandidato ti eleksiyon intono 2022 seknan iti panangsuporta ti Communist Party of the Philippines (CPP), New People’s Army (NPA), ken National Democratic Front (NDF).
Segun kenni DILG Sec. Eduardo Año, saan da nga agpangadua a kasoan dagiti kandidato ti eleksiyon a mangsuporta iti rebelde a grupo babaen ti pinansyal wenno materyal nga adda iti babaen ti Republic Act No. 10168 wenno Terrorism Financing Prevention and Suppression Act of 2012.
Innayon na a possible a maibalod iti tungpal biag ken agbayad ti multa nga umabot ti maysa a milyon a pisos.
