LAOAG CITY – Inbatad ni Department of the Interior and Local Government Secretary Juanito Victor “Jonvic” Remulla a ti panaginom iti arak ti igid kalsada ket masansan a mangitunda ti panagririri ken kaso kontra iti sexual harassment kadagiti babbai.
Inbilin na kadagiti kameng ti Philippine National Police ken iti lokal a gobierno a tiliwen da dagiti indibidwal nga alabsing iti pagannurotan nga Anti-Intoxication Act.
Nupay kasta, inlawlawag ni Remulla a ti panaginom ti arak ti uneg iti balay ket saan a karaman iti pagannurotan.
Karaman kadagiti maibilang a pampubliko a lugar a maipawil ti panaginom ti arak ket iti kalsada, side walks, ken nagduduma pay nga open spaces.
