LAOAG CITY – Nakasaganan ti Department of the Interior and Local Government nga idadaulwan ni Atty. Gerald Gallardo para ti panagmonitor da ditoy probinsya ita a semana santa.
Segun kenkuana, no adda dagiti insidente manipod kadagiti nagduduma nga ili ken ciudad ket isuda ti mang-consolidate kadagitoy.
Malaksid iti daytoy, no adda dagiti impormasyon manipod nasyonal ket isu da ti mangipakaammo kadagiti implementing agency.
Kabayatanna, inpakaammo ni Gallardo a napakaammoan aminen dagiti lokal a gobierno ditoy probinsya mainaig iti daytoy para ti al-alisto a koordinasyon da.
Mainaig iti daytoy, nagpalagip ti Provincial Director kadagiti amin nga umili para iti naan-anay a panagan-annad da aglalo kadagiti pagturturungan da ita a semana santa.
