LAOAG CITY – Inadmitir ni Mrs. Janet Duarte, mangidadaulo iti DILG ditoy siudad ti Laoag a saan a kabaelan dagiti barangay a mawaknitan dagiti nagduduma a kalasada ditoy siudad ti Laoag.
Daytoy ket mainaig iti memorandum circular nga inparuk-at ti DILG a maikkan ti 75 nga aldaw iti panangisangkat da ti road clearing kadagiti barangay.
Inlawlawag na a saan a kitkitaen ti DILG iti a mawaknitan amin dagiti kalsada ngem ketdi iti pannakamentener a nawaknit ti kalsada.
Kadua da ti Philippine National Police, ken dadduma pay a mangipatungpal ti nasao nga operasyon.
Inbatad ni Duarte a no nawaknitan dagiti kalsada ket nasken iti pannakamentener na.
Apaman a matapugan ti bulan ti Abril ket maiwayat ti validation kadagiti barangay ditoy siudad.
Maipalagip a kalikagum ti gobyerno national a maipasubli dagiti kalsada a pagdalyasatan ti publiko ken dagiti motorista.
