LAOAG CITY – Inbilin ni Department of the Interior and Local Government (DILG) Secretary Juanito Victor “Jonvic” Remulla kadagiti amin a naelektaran ken nadutukan a local officials a kanselaren da payleng ti panagbiyahe da iti ballasiw manipod ita nga aldaw Nobyembre 9 agingga intono Nobyembre 15 ita a tawen iti possible nga epekto ti Super Typhoon Uwan.
Inpetteng ni Remulla a gagem ti nasao nga addang ket tapno masigurado ti presensya da iti masakupan da a lugar kabayatan ti iduduprak ti bagyo Uwan.
Inpaganetget ni Remulla a masapol a dagiti governors, mayors, barangay captains, ken dadduma pay a local officials ti mangidaulo iti ground kas panangsurot iti direktiba ni President Ferdinand “Bongbong” Marcos Jr. ken ti deklarasyon ti state of national calamity.
Immunan a naimandar ti forced evacuation iti Borbon, Cebu gapu iti bagyo Uwan.
Inpalagip pay ti DILG chief kadagiti local leaders nga iti babaen ti Local Government Code of 1991 ken ti Republic Act No. 10121, masapol nga idaulwan da ti Local Disaster Risk Reduction and Management Councils a personal a mangiwanwan ti amin a phases ti disaster management.
