LAOAG CITY – Inbatad ti Department of Interior and Local Government (DILG) a rugyan da nga ideploy ti agarop 800 a tourist police officers kadagiti kangrunaan a tourism spots iti intero a pagilian intono Abril ita a tawen tapno maipasigurado ti kinatalged ken seguridad.
Segun ken ni Interior Chief Jonvic Remulla, inaprubaran ni President Ferdinand Marcos Jr. ti plano na a mangideploy kadagiti tourist officers babaen ti pannakikoordinar da iti Department of Tourism.
Kuna na a gagem ti nasao nga inisyatibo ket tapno maipangato ti police visibility kadagiti high-traffic tourist areas, malapdan wenno maliklikan dagiti criminal activity, ken masigurado ti alisto a panagresponde no adda ti emergency.
Inpakaammo ni Remulla a dagiti tourist police officers ket possible a maiwaras iti Bonifacio Global City, Poblacion iti Makati, Boracay, Siargao, Cebu, Bohol, ken Puerto Princesa idiay Palawan.
Innayon na nga agibunong pay ti Philippine National Police kadagiti baro a motorcycle units para kadagiti tourist police officers.
