LAOAG CITY – Inlawlawag ni Atty. John Paul Martin ti SK reform Law nga adda pakainaigan ti Anti-political dynasty.
Inbatad na a saan a mabalin nga agpaidasig ti aniaman a posisyon iti Sang Kabataan ti maysa nga agtutubo no adda ti kabagyan na agingga iti second degree nga agdama nga opisyal.
Inyarig na ni Presidente Rodrigo Duterte a no adda anak na a kayat na nga agpaidasig nga SK ket saan a kwalipikado gapu ti anti-political dynasty.
Nupay kasta, kuna ni Martin a no aggiddan nga agpaidasig dagiti agama wenno agkabagyan agingga ti second degree ket kwalipikado dagitoy.
Kabayatanna, kinumpirmaran ni Marting a saan laeng nga iti Ilocos Norte ti ado nakurang ti sk kagawad na gapu ta uray iti baguio city nga ayan na ket kastoy ti sitwasyon.
Segun ken ni Martin, mabalin a ti aramiden ti DILG ket mangdutuk da ti manglitop kadagiti bakante a posisyon wenno maiyuswat ti special elections.
