LAOAG CITY – Inpetteng ni Department of the Interior and Local Government Secretary Jonvic Remulla a ti kapintasan nga aramiden tapno maparmek ti illegal a droga ditoy pagilian ket ti mangpuntirya a mismo kadagiti suplay saan ketdi a ti mangipatungpal ti extrajudicial killings.
Inpaganetget na a ti solusyon ti problema iti illegal a droga ket saan a ti pumatay kadagiti maatap a durugista.
Innayon na a mabalin met ti agtrabaho a saan a patpatayen dagiti babassit a tao no sadinno a ti laeng kasapulan ditoy ket enforcement, arestaren dagitoy ken saan nga ipalubos a dumanon iti kalsada tapno bumaba ti supply ti droga.
Mainaig iti daytoy, kuna ni Remulla a ti panagngato ti presyo ti illegal a droga ket nagresulta ti panagbaba dagiti napaspasamak a krimen ditoy pagilian.
Segun pay ken ni Remulla, iti uneg laeng ti maysa a tawen ket nakakumpiskar da ti agarop tallo a tonelada ti illegal a droga.
Immuna iti daytoy, nakakumpiskar dagiti otoridad ti P278-million a balor ti shabu manipod idiay Afghanistan.
