LAOAG CITY – Kinablaawan ni Interior Secretary Jonvic Remulla ni Reina Mercedes, Isabela Vice Mayor Harold Respicio, iti negatibo a resulta ti drug test na.
Mismo a ni Respicio ti dimmlan iti illegal drug test kalpasan nga inbatad ni Remulla a kalikagom na a dumalan iti drug test ti bise mayor kalpasan ti panangbugka-bugkaw na kadagiti opisyal ti barangay iti Reina Mercedes kabayatan ti maysa a sesyon.
Inpetteng ni Remulla a napaneknekan a saan a nagusar ti droga ti bise mayor ngem natural nga adda ti problema iti panunot na.
Innayon ni Remulla nga ipabus-oy na laengen kadagiti opisyal ti probinsya ti desisyon para ken ni Respicio.
Immunan nga inrakurak ni Remulla ti pannakadismaya na iti inaramid ni Respicio.
Kabayatanna, kalpasan ti panangiparuk-at ti negatibo a drug test result, nagpanawagan met ni Respicio ken ni Remulla nga i-refund ti nagastos na para iti testing.
Insungbat met ti sekretaryo nga ited ti bise mayor ti gcash number na tapno maipatulod na a dagus ti kwarta.
