LAOAG CITY – Inbatad ni Interior Secretary Jonvic Remulla idi Sabado ti pannakaitantan ti flight-na nga agturong iti France tapno i-follow up ti Interpol red notice request kontra kenni Zaldy Co, gapu iti nakaro a shooting incident a napasamak iti Banga National High School iti South Cotabato.
Kinunana a makitinnulong daytoy iti Department of Education a mangaramid ti maysa a mangbayabay tapno malepdan iti sabali pay a kaso ti school shooting.
Inrakurakna a ti school shooter nga adda ti likudan ti nakaro a pasamak ti pagadalan iti Banga National High School ket adda pakainaigana iti deep dark web.
Basar iti report ti DILG, karaman kadagiti pimmusay ket ti mismo nga school shooter ken agdama met a matamtaming ti balay pagagasan dagiti sumagmamano a nasugatan.
Inrekomendar met ni Remulla a bantayan dagiti nagannak kadagiti buybuyaen ken makitkita dagiti ubbing iti social media.
