LAOAG CITY – Nagkari ni Department of the Interior and Local Government (DILG) Secretary Jonvic Remulla a kasoan na ti siasinno man a miembro ti Philippine National Police a mairaman iti partisan politics.
Iti maysa nga statement, inpetteng ni Remulla ti karina nga ipatungpal ti linteg kontra kadagiti kameng ti Philippine National Police nga agbalin a paset ti pulitika.
Inpaganetget pay ti sekretaryo ti panangikarkarigatan ti Department of the Interior and Local Government a mangipursige kadagiti kaso kontra kadagiti kunniber nga opisyal a karaman iti 990-kilogram drug haul nga agbalor ti P6.7 bilyon a pisos idi 2022.
Immunan nga inpasingked ni Philippine National Police Chief General Rommel Marbil a dagiti pulis ket agtalinaed nga apolitical, impartial, ken nakatutuk laeng ti panangpatalinaed ti linak, urnus ken talna iti pagilian.
Kuna pay ni Marbil a saanna nga ipalubos a mairaman dagiti Philippine National Police personnel iti aniaman a political partisan.
