Linagip ti premiado nga aktres a ni Dina Bonnevie ti panawen a nagsikog iti umuna nga anakna a ni Danica Sotto-Pingris iti tawen na a 19.
Iti interview na iti segment a Fast Talk with Boy Abunda, inadmitir na a narigatan idi iti situasion na gapu iti kinaubingna ken puminpintas pay laeng ti karerana.
Segun iti aktres, ti nagduduma nga opinion dagiti tattao iti aglawlaw na ti nangdegdeg iti nadagsen a narikna na.
Ti ina Dina a ni Jeannette Schaer ket maysa a Swiss national idinto a ti amana a ni Honesto Bonnevie ket maysa nga abogado ken France-Italian-Filipino.
Mainaig iti daytoy, inadmitir ni Dina a saan a close iti ina na isut gapo na a ti wagas iti panangpadakkel na kadagiti annak na ket maisupadi iti panangpadakkel dagiti nagannak kenkuana.
Innnayon ni Dina a no maipapan kadagiti annak na, spoiler ti dati nga asawa na a ni Vic Sotto a nakaigapuan met ti pannakariro dagitoy.
Kabayatanna, innem a tawen a nagbalin nga agasawa da Dina ken Vic sakbay a nagsinada idi 1988.
