LAOAG CITY – Dinosdosena a pagtaengan idiay California ti napuoran gapu iti wildfire a nanguram iti rinibribu nga ektarya iti Ventura County.
Gapu iti daytoy, binallaagan dagiti autoridad ti nasurok a 14,000 a tattao nga agbakuit iti intero a rehion.
Nangrugi ti Mountain Fire idi Nobiembre 6 no sadinno nga alisto a nagkayamkam daytoy gapu uti napigsa nga angin.
Basar iti insiyal a report, nasurok 20,485 nga ektaria ti nadadael.
Sumagmamano kadagiti pamilia a nagbakwit ti nagkuna a naminpinsan a napukawda ti pagtaenganda gapu iti nasao nga uram.
Kabayatanna, kinuna dagiti opisial ti Ventura County Fire Department adi kumurang a 132 a sanikua ti naapektaran gapu iti uram, bayat nga 88 ti totally damaged.
