LAOAG CITY – Dinosdosena a tattao ti natay kalpasan a naarinebneb ti nagluganan da a bangka iti Malale River iti northern Niger state idiay Nigeria.
Basar iti report, umabot iti 100 a tattao a pakairamanan dagiti ubbing ti nakalugan iti bangka idi napasamak ti insidente.
Naamoan a naarinebneb ti bangka kalpasan a nadungpar na ti nailumlom a kayo iti asideg ti Gausawa community iti Borgu Local Government Area.
Inbatad ti state’s emergency agency a 29 a tattao ti kumpirmadon a natay ken nasurok a 50 a sabsabalu dagiti naisalakan dagiti otoridad idinto a dagiti dadduma ket nagtalinaed a mapukpukaw.
