LAOAG CITY – Dinosdosena a tattao ti natay kalpasan a nagswek ti maysa nga eroplano nga addaan ti karga a 70 nga indibidual idiay Kazakhstan.
Basar kadagiti otoridad iti Azerbaijan nga isu ti naggapwan ti eroplano keet adda laeng ti 30 a nakalasat iti insidente.
Immuna iti daytoy, nauram ti Azerbaijan Airlines flight J2-8243 kabayatan ti pananggandat na nga ag-emergency landing iti asideg ti ciudad ti Kazakh iti Aktau.
Basar iti airline, addaan daytoy ti 62 a pasahero ken 5 a crew members no sadinno a kaadoan kadagiti nakalugan ket Azerbaijani nationals, ngem adda pay ti sumagmamano a manipod iti Russia, Kazakhstan, ken Kyrgyzstan.
