LAOAG CITY – Dinosdosena a tattao ti kinautibo dagiti armado a lallaki iti Oromia, ti kadakkelan a rehiyon iti Ethiopia.
Basar iti report, dagiti biktima ket nakalugan ti bus ken bayat iti panagdaldalyasat da nga agturong iti ciudad ti Addis Ababa a kabisera iti pagilian ket sinaed ida dagiti armado a grupo.
Immunan nga adda ti agarop 100 nga estudyante iti kolehiyo ti nakidnap bayat iti panagawid da iti balayda manipod iti pagadalan.
Rumrumuar a ti adda iti likudan dagiti insidente ti panagkidnap iti pagilian ket dagiti kameng ti Oromo Liberation Army (OLA), ti rebel group nga agop-operar iti lugar, ngem naglikudan daytoy ti nasao a grupo.
