LAOAG CITY – Dinosdosena nga estudyante ti mapagam-amkan a napupuk iti narpuug a residential building iti ciudad ti Delhi a kabisera ti India.
Basar iti report, mapatta-patta a nasurok a 50 a tattao ti adda iti five-storey building iti Satya Niketan iti south-west Delhi idi napasamak ti insidente.
Adda metten ti tallo nga indibidual a kumpirmado a natay idinto a tallo a sabsabali pay dagiti kritikal ti kondisyon na ken walo dagiti naisalakan.
Naamoan nga adda ti manarimaan a matartarimaan iti basement ti pasdek a Hostel Daze nga asideg laeng ti Delhi University campus.
Inpakaammo dagiti otoridad a ti nasao a pasdek ket addan ti 40 agingga iti 50 a tawe na.
