LAOAG CITY – Kontraen ni Father Joey Ranjo, pannakangiwat ti Diocese of Laoag ti lungalong a maaramasan da a padi ti paltog.
Segun kenkuana, maikanniwas daytoy iti pannursuro ti Diyos ken saan a daytoy ti garantiya tapno maisalakan da kadagiti posible a mangisikap ti biag da.
Kuna na a napinpintas no kararag ri pangkontra da kadagiti mangipangpangta kadakuada imbes a subbuten da babaen iti pisikal a banag.
Ad-adda a kanunugan ti Padi ti dayalogo a pangsulbar ti saan a panagkikinnaawatan ngem iti kinadamsak.
Imbatad na a ti panangipaay da ti tulong kadagiti maidatag kadakuada nga gpatulong ket agdepende iti kabaelan da gapu ta kangrunaan nga akem da ket ti makunkuna a “prephetic function”.
Inayon ni Fr. Ranjo a posible nga adayo ti pamamti ti Diyos dagiti agar-aramid ti krimen rason a makaaramid da ti saan a nasayaat.
Dinawat na metten ti pannakairarag dagiti napapatay a pada da a padi ken ti pananggulbar kioma ti pulisya ti pannakapapatay dagitoy.
Maipalagip a ditoy pagilian, tallo a padi ti nagsasaruno a napapatay babaen ti pannakapaltopaltog da.
