LAOAG CITY – Inpakaammo ni Fr. Melchor Palomares, pannakangiwat ti Diocese of Laoag a manamnama a bumisita ni Archbishop Charles John Brown wenno Papal Nuncio ditoy probinsia a mangirepresentar kenni Pope Francis manipud iti Vatican.
Segun kenkuana, ni Papal Nuncio ket maysa nga American citizen ken orihinal a padi idiay New York ken naappointaran a kas diplomat ditoy pagilian.
Inlawlawagna a ni pope Nuncio ti mangibagi kenni pope Francis nu saan a makaatendar kadagiti amin nga aktibidad ken programa a kasapulannti presensia ti nasao a santo papa.
Inbatad ni Palomares nga into Lunes, Hunio 24, manamnama a bumisita ni Papal Nuncio.
Inrakurakna nga agtalinaed daytoy ti 24 nga oras ditoy probinsia no sadinno iti bigat ket agturong daytoy iti St. John the Baptist Basilica ken La Virgen Milagrosa de Badoc tapno mangiwayat ti misa.
Mainaig iti daytoy, agturong daytoy iti Brgy. Ugis iti ili ti Nueva Era ken iti bishops residence ditoy ciudad ti Laoag sakbay nga agturong iti Laoag International Airport iti rabii ti Lunes tapno agsubli idiay Metro Manila.
Kabayatanna, inpakaammo ni Palomares a daytoy ti kaunaan a gundaway a bumisita ti nasao nga archbishop ditoy probinsia.
