LAOAG CITY – Bimmisita ditoy siudad ti Laoag ni Dr. Fernando N. Lontoc, Director II iti National Meat Inspection Service-Regional Office 1 idi laeng kallabes.
Segun iti Laoag City Government a panggep ti panagbisita ti direktor ket tapno masungbatan ti kiddaw para iti rehabilitation ti City Slaughterhouse ken pagbalinen daytoy a Class AA.
Inpalgakna a mangitukon daytoy iti teknikal a tulong ken suporta, pakairamanan ti panangipaay ti naan-anay a disenyo ken layout a maitunos iti national a pagalagadan.
Basar iti direktor a naaprobaran ti lokasion para iti rehabilitasion ti slaughterhouse.
Kabayatanna, ti pannakaipasdek ti Class AA slaughterhouse ditoy siudad ket tapno mangipasigurado iti natalged ken de kalidad a karne para kadagiti umili ditoy siudad.
Pinasengkedan ni Lontoc a maipangpangruna ti pannakaipasdek ti Clas AA Slaughterhouse gapu iti dakkel a pagimbagan nga itdenna kadagiti residente.
