LAOAG CITY – Ad-adalen ti gobierno lokal ditoy ciudad ti Laoag no mabalin a maiyakar ti discolandia iti dati a dumpsite a masarakan iti Barangay Casili ditoy ciudad.
Daytoy ti inpakaammo ni Mayor James Bryan Alcid tapno masolusyonan dagiti reklamo a maidandanun kadakuada babaen kadagiti nagannak ken pagadalan nga adda dagiti
estudyante a maipagarop a mapan aggiinom iti discolandia kalpasan ti klase da.
Inbatad ti mayor a saan a mabalin a baybay-an daytoy ti city government isut gapu na nga agbiruk da ti addang tapno masolusyan ti problema.
Maipalagip nga immunan nga inbatad ni Vice Mayor Rey Carlos Fariñas a kalikagom da nga iyakar ti discolandia gapo ta asideg unay daytoy iti sentro ken ti lote iti discolandia ket maad-adal a pakaipasdekan ti baro a city hall ditoy ciudad ti Laoag.
