LAOAG CITY – Inpetteng ni Atty. Joel Butuyan, maysa nga International Criminal Court-accredited lawyer nga awan ti kinapudnona ti agwarwaras nga impormasion mainaig iti maipagarup a panangaprobar ti interim release ni dati a Presidente Rodrigo Duterte.
Inbatad ni Butuyan a rinanta ti kampo ti Duterte supporters nga allilawen ti publiko iti babaen kadagiti biddot nga impormasion.
Nairana pay ti panagwaras ti damag iti rakurak ni Nicholas Kaufman mainaig iti maipagarup a saan a napintas ti salun-at ni Duterte.
Para iti kampo dagiti biktima, napateg a dumalan iti husto a beripikasion ti aniaman a rakurak manipud iti kampo ni Duterte.
Kagiddan daytoy, nagpanawaganda a suroten dagiti naikeddeng a kondision ti International Criminal Court.
Agtultuloy ti panawagan para iti kinapudno ken hustisia iti baet kadagiti isyu nga adda ti pakainaiganna iti karebbengan ti maysa a tao.
