LAOAG CITY – Disiplina ken panagbalin a responsable ti kiddaw ni ABC President George Padre iti ili ti Bacarra manipod iti publiko.
Daytoy ket kalpasan nga adda dagiti sumagmamano a residente a maipagarup nga agtultuloy a nasubeg iti laksid a masita dagitoy gubuay ti panaglabsing ti health protocols.
Kuna ni Padre a saan a nalaka ti trabaho dagiti opisyal ti barangay ken kanayun a kalikagum dagitoy ti pagsayaatan dagiti residente.
Innayun na nga imbes a saan nga agtulnong iti pammallaag dagiti opisyal ket nasaysayaat nu agtalinaed iti uneg ti pagtaengan bayat a maipatpatungpal ti General Community Quarantine with hightened restrictions iti nasao nga ili.
Inbunannag na a babaen iti daytoy ket makatulong iti pagdur-asan ti publiko.
Kabayatanna, inpakaammo ni Padre a laketdi agtultuloy ti panagbaba ti kaso iti ili ti Bacarra ket mabalin a maikkat ti naipatungpal a GCQ.
Nu pay kasta, inbatad na nga adda met ti posibilidad a maiyalud-od nu adda manen ti panagngato ti kaso kalpasan ti Agosto 15 nga isu ti panagngudo ti GCQ iti nasao nga ili.
