LAOAG CITY – Inbatad ni Mr. Boyet Conception, maysa a meat shop owner ditoy siudad ti Laoag nga adda ti pangngina ti presyo ti karne ti baboy gapu iti bassit a suplay.
Gapu iti daytoy, kuna na a kas maysa a negosyante ket nagbirok kadagiti sabali a produkto a mabalin a mailako.
Inpakaammo na a malaksid iti baboy ket nagangkat pay iti karne ti manok ken baka tapno saan a matay ti negosyo na.
Kabayatanna, kuna ni Conception a tapno saan a mapukaw dagiti customer na ket nasken a mapagtalinaed ti kinapudo na kadagitoy.
Daytoy ket mainaig man iti pudno a presyo dagiti lako na wenno iti lugar a paggapoan dagitoy tapno saan a maperdi ti negosyo na.
Immunan nga inbatad ni Conception a kangrunaan a nakaapektar iti taray ti negosyo na ket ti pandemiya gubuay ti covid-19.
