LAOAG CITY – Nangiparuk-at ti desisyon ti NAPOLCOM en banc seknan iti 99 summary dismissal cases a nakairamanan ti 56 respondents mainaig iti maanomalya a 990kg drug haul idi October 2022.
Inreport ni NAPOLCOM Vice Chairperson ken Executive Officer Ricardo Bernabe a basar iti desisyon ti Napolcom En Banc, 21 respondent ti naikkat iti serbisyo, 16 tina-demote ti ranggo na, 4 a respondent ti nasuspenso iti innem a bolan ken 12 a kaso dagiti respondents ti naibasura.
Segun ken ni Bernabe, iyur-uray da paylaeng ti kumpirmasyon ti Office of the President mainaig iti rekomendasyon da a maikkat iti serbisyo ti tallo nga opisyal ti PNP a presidential appointees.
Kabilang kadagiti nadakamat nga opisyal ket isuda PBGen Narciso Domingo, PCol. Rolando Portera, ken PCol. Julian Olonan, nga agpapada a karaman iti kontrobersyal a drug haul.
