LAOAG CITY – Kinumpirmaran ni Mr. Antonio Mariano idiay ili ti Marcos a na-dismiss ti inpila ni Atty. James Felipe kontra kenkuana a disqualification case para intono May 13 midterm elections.
Segun kenni Mariano, naawat na ti desisyon ti disqualification case idi laeng Abril 9, ita a tawen.
Namunganay ti panangipila ni Felipe ti disqualification case kontra kenni Mariano iti maipagarop nga awan pay ti makatawen na a residente iti nasao nga ili.
Inpetteng na a kwalipikado daytoy a kumandidato kas basar met laeng ti desiyson ti Comelec.
Inadmitir na nga iti kallabes ket nadamag na a no agpila ti Certificate of Candidacy (CoC) para intono eleksyon ket dagus a mapilaan ti disqualification case.
