LAOAG CITY – Indeklara dagiti kaaduan a kameng ti Sangguniang Panlalawigan ti Ilocos Norte a persona non grata ni Dist. Engr. Nestor Pasion ti 1st Engineering Dist. ti Dept. of Public Works and Highways (DPWH).
Inaramid daytoy dagiti kameng ti Sangguniang Panlalawigan bayat ti “out of town session” da iti ili ti Sarrat ita a malaem a nag-presidan ni Sangguniang Panlalawigan Member Ria Fariñas.
Naamuan a kasanguanan a nagbobotusan ti pannakaideklara a “persona non grata” ni Pasion ket adda pay laeng dagiti naangay a deliberasyon a no sadinno a nakuwestionaran ti nasao nga addang gapu ta maibilang a nadagsen.
Kas resulta, nangabak ti botos a maideklara daytoy a “persona non grata iti botos a 10.
Maipalagip a no namin-ano a daras a binallaagan da ni Pasion gapu ti maipagarup a saan na a panagtulnog nga agisubmitir iti kidkidawen ti Sangguniang Panlalawigan a listaan dagiti darat ken bato nga al-alaen dagiti kontraktor iti umuna a distrito ti probinsiya rason a bimmaba ti koleksiyon ti probinsiya pakaseknan ti quary permit ngem maipagarup a saan na nga inkankano.
