LAOAG CITY – Mamati ni District Engineer Glen Miguel, ti Department of Public Works and Highways – First Engineering District Office a napinpintas no iti Department of Transportation ti nangipatulodan ti Sangguniang Panlungsod ditoy siudad ti Laoag ti resolusionda a maipanggep iti bike lane.
Segun kenkuana, kasaritananto ti Chairman ti Committee on Transportation iti konseho maipapan iti daytoy a banag nangruna ket adda dagiti masapol a pannakabalbaliw iti plano ti pannakaitungpal ti nasao a proyekto.
Inbatadna a nasaysayaat nga idi damo pay laeng nga indasarda daytoy ket kwinestionarandan tapno maliklikan dagiti saan a napintas a pannakaiyimplimentar iti daytoy.
Maipalagip a nangipasa ti konseho ti maysa a resolusion a mangkiddaw ti pannakaikkat ti plant box gapu ta ibilangda nga obstruction wenno makaabbeng iti kalsada.
Immuna iti daytoy, nagturong ni Sangguniang Panlungsod Member Bryan Alcid iti Central Office iti Department of Public Works and Highways tapno mapagsasaritaan a naimbag ti nasao a proyekto.
