LAOAG CITY – Inpakaammo ni Engr. Jonathan Viernes, mangidadaulo iti Department of Science and Technology (DOST) ditoy probins a manarimaan a maar-aramid ti DIWATA II ita a tawen.
Maipalagip a naipatayab ti DIWATA I idiay tangatang itay napan a tawen no sadino a dakkel ti naitulong na para ti pagilian.
Inbatad ni Viernes a sakbay a maituloy ti DIWATA II ket adda ti kalikagum ni Presidente Rodrigo Duterte a maipasdek ti Philippine Space Agency.
Gapu ta naamuan da ti naipatayab a DIWATA I ket naadddan ti interes ti gobyerno a maaddaan ti nasao nga ahensya.
Namnamaen ni Viernes a kadagiti sumarsaruno a tawen ket maituloy ti DIWATA II gapu ta iyuna da pay laeng ti nasao nga space agency.
Segun kenni Viernes, agad-adal dagiti siyentista ken dagiti para sukisok para ti panagmaniher da ti DIWATA II.
Kuna na a possible nga agpaay dagitoy iti plano a pannakaipasdek ti Philippine Space Agency a plano ni Presidente Rodrigo Duterte.
Nagkiddaw ni Viernes ti suporta para kadagiti programa ti DOST kangrunaan na ti pannakaaramid ti DIWATA II a maipatayab to manen iti International Space Station idiay lao-ang.
